Онлайн-курс

Функционалды тамақ өнімдерінің биотехнологиясы

Описание

О курсе

Ботбаева Жанар Тұрлыбекқызы – биология ғылымдарының кандидаты, қауымдастырылған профессор,

1. ЖАОК сипаттамалары

Бұл бөлім студенттерде функционалды тамақ өнімдерін әзірлеу мен өндірудің биотехнологиялық негіздері туралы жүйелі түсінік қалыптастыруға бағытталған. Функционалды ингредиенттердің түрлері, физиологиялық әсері, тағамдық матрицамен үйлесімділігі және ғылыми негізде таңдау қағидалары қарастырылады.

Студенттер пробиотиктерді, пребиотиктерді, синбиотиктерді және постбиотиктерді қолдану, өсімдік және жануар текті шикізатты ферментациялау, биологиялық белсенді компоненттерді бөліп алу, тұрақтандыру және олардың биожетімділігін арттыру бойынша практикалық дағдыларды меңгереді.

Пән аясында функционалды сүт, дәнді, нан-тоқаш, ет және балық өнімдерін жобалау, рецептураларды модельдеу, технологиялық параметрлерді оңтайландыру, өнімнің сапасын, қауіпсіздігін, сақтау тұрақтылығын және функционалдық тиімділігін бағалау тәсілдері оқытылады.

Функционалды тамақ өнімдерін әзірлеудің медициналық-биологиялық және биотехнологиялық қағидаларын меңгерту, функционалды ингредиенттерді ғылыми негізде таңдау, рецептура мен технологиялық процесті жобалау және дайын өнімнің сапасы мен қауіпсіздігін бағалау қабілеттерін қалыптастыру.

1.1 Зерттеудің мақсаты: функционалды тамақ өнімдерін әзірлеу және өндіру саласында теориялық білім мен практикалық құзыреттер қалыптастыру. Пән мазмұны биологиялық белсенді компоненттерді алу және тұрақтандыру, тағамдық шикізатты ферментациялық модификациялау, пробиотикалық мәдениеттерді қолдану, рецептураларды жобалау және өнім тиімділігін бағалау мәселелерін қамтиды.

Пәннің міндеттері:

  • функционалдық тамақтанудың ғылыми қағидаларын және функционалды ингредиенттердің физиологиялық рөлін меңгерту;
  • функционалды ингредиенттер мен тағамдық матрицаны таңдауды және олардың үйлесімділігін бағалауды үйрету;
  • биотехнологиялық процестер мен функционалды өнім рецептураларын жобалау дағдыларын қалыптастыру;
  • өнімнің сапасын, қауіпсіздігін, сақтау тұрақтылығын және функционалдық тиімділігін бағалауды меңгерту.

1.2 Оқу нәтижелері: функционалды ингредиенттерді алу және қолдану әдістерін талдайды; өнімнің мақсатты қасиеттеріне сәйкес ингредиент пен матрицаны таңдайды; биотехнологиялық процесс пен рецептураны жобалайды; сапа, қауіпсіздік және функционалдық тиімділік көрсеткіштерін бағалайды.

Білімдер: функционалды тамақ өнімдерінің жіктелуі; пробиотиктер, пребиотиктер, синбиотиктер және постбиотиктердің қасиеттері; функционалды ингредиенттерді алудың биотехнологиялық әдістері; ферментация, тұрақтандыру, инкапсуляция және биожетімділікті арттыру қағидалары.

Практикалық дағдылар: функционалды ингредиенттерді сәйкестендіру және таңдау, микроорганизмдер мен ферменттерді технологияда қолдану, рецептураны есептеу, технологиялық сызбаны құрастыру, өнімнің органолептикалық, физика-химиялық және микробиологиялық көрсеткіштерін бағалау.

Кәсіби дағдылар: функционалды өнім тұжырымдамасын әзірлеу, эксперимент нәтижелерін талдау, ғылыми және нормативтік ақпаратты пайдалану, технологиялық шешімдерді негіздеу және жобаны ұсыну.

Құзыреттіліктер: функционалды тамақ өнімдерін ғылыми негізде жобалау, биотехнологиялық процесті басқару, өнімнің сапасы мен қауіпсіздігін бақылау және оның мәлімделген функционалдық қасиеттерін бағалау.

Алғышарттар: бұл ЖАОК-ты меңгеру үшін білім алушы тағамдық биохимия, микробиология, жалпы биотехнология және тағам өндірісінің негізгі процестері бойынша базалық білімдерді игеруі қажет.

Пререквизиттер: Тағамдық биохимия, Биотехнологиядағы ғылыми зерттеулердің негіздері, Микроорганизмдер биотехнологиясы.

Постреквизиттер: Биотехнологиядағы заманауи әдістер, Ашыту өндірісінің биотехнологиясы, Сүт және сүт өнімдерінің биотехнологиясы.

Академиялық кредиттер саны/ ЖАОК ұзақтығы: 15 апта, 5 кредит.

1. Курстың қиындық деңгейі: орта және озық