Дизайн ойлау

Байжанова Жазира Болатбековна– т.ғ.к., кауымдастырылған-профессор м.а. 1. ЖАОК сипаттамасы: 1.1 Оқу мақсаты: Дизайн-ойлаудың бес кезеңін (Эмпатия, Анықтау, Идея құру, Прототиптеу, Тестілеу) меңгеру арқылы оқушылардың (немесе қатысушылардың) күрделі мәселелерді шешудегі шығармашылық, сыни және ынтымақтастық дағдыларын дамыту. 1.2 Оқу міндеттері: Пән жеңіл өнеркәсіп бұйымдарын жобалау және дайындау саласында білімалушы жобалық және зерттеушілік құзыреттерін қалыптастыруға бағытталған. Эмпатиялық талдау, гипотеза құру, прототип әзірлеу, цифрлық модельдеу және шешімдерді тұрақты жобалау, эргономика мен жүйелік тәсіл негізінде бағалау әдістері оқытылады. Пән ғылыми дәлелдеу, сыни ойлау және пайдаланушы мен өндірістік-технологиялық талаптарды ескере отырып, инновациялық бұйымдар жасау дағдыларын дамытады. 1.3 Оқу нәтижелері: Жеңіл өнеркәсіп саласында жобалық және зерттеу дағдыларын қалыптастырады, тұрақты даму мен өндірістік талаптарды ескере отырып, инновациялық бұйымдар жасау және сыни ойлау қабілеттерін дамытады. Пререквизиттер. Осы ЖАОК-ты игеру үшін киім материалдары; тігін бұйымдарын жасауға арналған материалдардың жаңа ассортименті мен қасиеттері курстарын оқу кезінде алған білім, білік және дағдылар қажет. Постреквизиттер. ЖАOК-ты үйрену кезінде алынған білім, білік және дағдылар Өнім сапасын қамтамасыз ету және технологиялық үдерістерді басқару; Тігін, тоқыма және мата бұйымдарының сараптамасы курсын игеру үшін қажет. 4. Академиялық кредиттер саны/ЖАОК ұзақтығы: 5 5. Курстың қиындық деңгейі: орта