Компьютерлік графиканың негіздері

Мусаханова Меруерт Абытханқызы– магистр сеньор-лектор , Жумажан Назерке Мадиқызы – магистр ассистент, 1. ЖАОК сипаттамасы: 1.1 Компьютерлік графиканың негізгі принциптері, растрлық және векторлық кескіндер, түстер модельдері, графикалық бағдарламалармен жұмыс кезеңдері (Эмпатия, Анықтау, Идея құру, Прототиптеу, Тестілеу) арқылы білім алушылардың визуалды ойлау, шығармашылық, сыни талдау және жобалық шешім қабылдау дағдыларын дамыту. 1.2 Оқу міндеттері: Пән білім алушылардың графикалық дизайн және цифрлық иллюстрация саласындағы жобалық және зерттеушілік құзыреттерін қалыптастыруға бағытталған. Оқыту барысы: • пайдаланушы қажеттіліктерін эмпатиялық талдау; • графикалық тапсырмалар бойынша гипотеза құру; • Adobe Illustrator, Photoshop, CorelDRAW сияқты бағдарламалар арқылы прототип әзірлеу; • цифрлық модельдеу, визуалды композиция және түстер үйлесімі негіздерін қолдану; • дайындалған графикалық өнімді тестілеу және жетілдіру; • эргономика, эстетика және техникалық талаптар негізінде бағалау әдістерін игеру. Пән сындарлы ойлау, дәлелді шешім қабылдау, шығармашылық идеяларды визуалды форматқа аудару және кәсіби деңгейде графикалық материал әзірлеу дағдыларын дамытады. 1.3 Оқу нәтижелері: Кәсіби қызметте алынған дағдыларды қолдана отырып, логотиптерді, жарнамалық материалдарды және иллюстрацияларды қамтитын визуалды жобаларды әзірлейді. Пререквизиттер. Осы ЖАОК-ты игеру үшін «Информатика», «Сызу», «Бейнелеу өнері» пәндерін оқу барысында алынған компьютермен жұмыс істеу негіздері, графикалық элементтерді түсіну, файлдармен жұмыс істеу дағдылары және цифрлық ортада бейнелерді өңдеудің бастапқы біліктері қажет. Постреквизиттер. ЖАОК-ты үйрену кезінде алынған білім, білік және дағдылар «Графикалық дизайн», «Веб-дизайн негіздері», «3D модельдеу және анимация», «Мультимедиалық технологиялар», «UX/UI дизайн» сияқты курстарды игеру үшін қажет. 4. Академиялық кредиттер саны/ЖАОК ұзақтығы: 5 5. Курстың қиындық деңгейі: орта