Ақпараттық жүйелер негіздері

Мерейхан Лаззат – магистр, сеньор-лектор, Талгат Амангул - магистр, сеньор-лектор, 1. ЖООК мінездемесі 1.1 Оқыту мақсаты: ақпараттық жүйелердің (АЖ) негізгі тұжырымдамаларын, компоненттерін, түрлері мен қолдану салаларын, АЖ бизнеске қалай көмектесетінін, АЖ этикасы мен қауіпсіздігі мәселелерін зерттейді. АЖ жобалау, әзірлеу және басқару бойынша бастапқы білім мен дағдыларды қалыптастырады. Пәнді оқытудың мақсаты – Ақпараттық жүйелер туралы түсінік беру – олардың түрлері, қызметі, қолдану салалары мен маңызын түсіндіру және жүйелік ойлау дағдыларын қалыптастыру – ақпараттық жүйені құраушы компоненттерді (ақпарат, бағдарламалық және техникалық қамтамасыз ету, деректер базасы және т.б.) талдауға үйрету. Ақпараттық жүйелерді жобалау негіздерін меңгерту – модельдеу, жобалау әдістері мен құралдарын пайдалана білу. Ақпараттық қауіпсіздік және құқықтық аспектілермен таныстыру – деректерді қорғау принциптері мен ақпараттық жүйелерді қолданудың құқықтық негіздері. Заманауи технологияларды қолдана білуге үйрету – ERP, CRM, бұлтты есептеулер, деректерді аналитикалық өңдеу және басқа да заманауи ИТ шешімдермен таныстыру. 1.2 Оқытудың міндеттері - Ақпараттық жүйелердің мәнін, құрылымын және түрлерін меңгерту; - Ақпараттық жүйелерді жобалау және ұйымдастыру негіздерін үйрету; - Ақпараттық технологиялар мен құралдарын қолдану дағдыларын қалыптастыру; - Ақпараттық қауіпсіздік негіздерін үйрету; - Ақпараттық жүйелердің даму үрдістерімен таныстыру; - Ақпараттық жүйелерді нақты салаларда қолдану мысалдарын көрсету; 1.3 Оқытудың нәтижелері: Ақпараттық жүйелердің құрылымын, жұмыс принциптерін, түрлерін және оларды талдау мен жобалау дағдыларын меңгеруі. 2. Пререквизиттер: Алгоритмдер, мәліметтер құрылымы және бағдарламалау 3. Постреквизиттер: Компьютерлік модельдеу негіздері 4. Академиялық кредиттер саны / ЖООК ұзақтығы: 5 кредит 5. Курстың күрделілік деңгейі: бастапқы, орташа және жоғары деңгей