Электротехниканың теориялық негіздері

Төлегенова А.Б. –сеньор-лектор, 1. МООК сипаттамасы 1.1 Оқытудың мақсаты: «Электротехниканың теориялық негіздері» пәнінің мақсаты білім алушылардың электрлік және магниттік құбылыстар саласындағы негізгі ұғымдарды қалыптастыру, электр тізбектерінің заңдарын меңгеру, оларды талдау және есептеу әдістерін игеру, сондай-ақ практикалық есептер мен зертханалық жұмыстарды орындау үшін теориялық және тәжірибелік білім мен дағдыларын игеру болып табылады. Пәнді оқыту міндеттері:  Электротехниканың теориялық негіздері пәні білім алушыларды электрлік және магниттік құбылыстармен, электр тізбектерінің негізгі элементтерімен, электр шамаларымен және олардың өзара байланыстарымен таныстырады.  Пән электр тізбектерін талдау мен есептеу әдістерін қолдануға, электр заңдарын (Ом, Кирхгоф және т.б.) пайдалануға, есептер шығаруға, тәжірибелік және зертханалық жұмыстарды орындауға үйретеді.  Пән инженерлік ойлауды, логикалық және аналитикалық ойлау қабілетін, техникалық есептерді шешу дағдыларын, сондай-ақ кәсіби бағытталған практикалық құзыреттерді дамытады. Оқытудың нәтижелері: Білім алушы электр тізбектерінің негізгі заңдары мен теоремаларын (Ом заңы, Кирхгоф заңдары, Нортон және Тевенин теоремалары) қолданады, сонымен қатар Резисторларды, конденсаторларды, катушкаларды және басқа элементтерді қамтуы мүмкін әртүрлі электр тізбектеріне қатысты есептерді талдай және шеше алады. Осы білім негізінде электр тізбектерін модельдеу және талдау үшін заманауи бағдарламалық жасақтаманы қолдана отырып, күрделі электр тізбектерін жасайды.