Smart технологиялар

Джумагалиева Айнур Максимовна, магистр, сеньор-лектор. ЖАОК сипаттамалары Курс смарт технологиялар саласында қолданылатын негізгі ұғымдарды, әдістер мен технологияларды зерттеуге бағытталған. Пән аясында ақылды жүйелердің жұмыс істеу принциптері, сенсорлық технологиялар, заттар интернеті (IoT), жасанды интеллект және деректерге негізделген шешім қабылдау механизмдері қарастырылады. Смарт технологиялардың негізгі құрамдас бөліктері, интеллектуалды басқару жүйелері, автоматтандыру, кибер-физикалық жүйелер, нақты уақыттағы мониторинг және смарт технологиялардың әртүрлі салаларда қолданылуы (білім беру, медицина, көлік, энергетика, ақылды қала) қамтылады. Пәнді оқыту мақсаты: «Смарт технологиялар» пәнінің мақсаты - білім алушылардың смарт жүйелерді жобалау, талдау және қолдану саласындағы негізгі теориялық қағидаттарды, әдістер мен заманауи технологияларды меңгеруін қамтамасыз ету. Пәнді оқыту міндеттері: 1. Смарт технологиялар ұғымымен, олардың құрылымы және қолдану салаларымен таныстыру; 2. Ақылды жүйелердің архитектурасы, сенсорлар мен деректерді жинау әдістерінің теориялық негіздерін меңгерту; 3. Интеллектуалды жүйелер негізінде аналитикалық және жүйелік ойлау қабілетін қалыптастыру. Пәнді оқыту нәтижелері: Білім алушылар смарт жүйелердің жұмыс принциптерін түсіндіреді және оларды қолдану салаларын сипаттай алады. Ақылды технологиялар негізінде деректерді жинау, өңдеу және талдау әдістерін қолданады. Интеллектуалды жүйелердің нәтижелерін бағалайды, смарт технологияларды практикалық есептерді шешуде тиімді пайдалану дағдыларын қалыптастырады. Пререквизиттер: Ақпараттық жүйелерді моделдеу Постреквизиттер: Дипломдық жұмысты дайындау және орындау