Ғылыми зерттеу негіздері

Агедилова Мереке Туяковна – химия ғылымдарының кандидаты, қауымдастырылған профессордың м.а., Тасболат Ғалымжан Жүмабекұлы – техника ғылымдарының магистрі, сеньор-лектор, Нармандах Жұпаргүл – биология ғылымдарының магитсрі, сеньор-лектор. 1. Жаппай ашық онлайн курсының (МООК) сипаттамасы 1.1 Оқу мақсаты: білім алушыларды ғылыми зерттеулердің негіздерімен, ғылыми жұмысты ұйымдастыру және жүргізу қағидаларымен, сондай-ақ салалар бойынша ғылыми ақпаратты жинау, өңдеу және талдау әдістерімен таныстыру. «Ғылыми зерттеу негіздері» пәнінің мақсаты білім алушылардың салалар бойынша ғылыми мәселелерді тұжырымдап, гипотезалар ұсынуды; ғылыми эксперимент жүргізудің жоспары мен әдістемесін әзірлеуді; заманауи зерттеу әдістерін қолдануды; ғылыми зерттеу нәтижелерін есеп, ғылыми мақала, презентация, постерлік баяндама және ғылыми-зерттеу жұмысы (ҒЗЖ) түрінде рәсімдеуді игеру үшін теориялық және тәжірибелік білімімен дағдыларды үйрету болып табылады. Жалпы курс ғылыми танымның әдіснамалық негіздерін, теориялық және эмпирикалық зерттеу әдістерін, сонымен қатар метатеориялық деңгейді, ғылыми-техникалық шығармашылық теориясы мен әдіснама элементтері туралы білімдерді қалыптастыру және оның бағытын таңдау мақсатында оқытылады. 1.2 Оқу міндеттері: ғылыми мәселелерді тұжырымдау және гипотеза жасау; ғылыми эксперимент жүргізудің жоспары мен әдістемесін жасау; қазіргі заманғы зерттеу әдістер технологияларын қолдану; білім алушылардың зерттеу дағдыларын; аналитикалық ойлау; ғылыми ақпаратты сыни тұрғыдан бағалай білуді; ғылыми зерттеу жұмыстарын өз бетінше орындау және оның нәтижелерін белгіленген талаптарға сәйкес рәсімдеп ұсыну мүмкіндігін меңгеру. 1.3 Оқыту нәтижелері: курс ғылыми мәселелерді тұжырымдау, зерттеу жобаларын әзірлеу, алынған деректерді талдау және интерпретациялау, ғылыми ізденіс әдістерін қолдану, зерттеу нәтижелерін академиялық стандарттарға сәйкес рәсімдеу және оларды әртүрлі форматта ұсынуды үйретеді. 2. Пререквизиттер: Қазақстанның тарихы 3.Постреквизиттер: Кәсіпорындардағы стандарттау және сертификаттау 4. Академиялық кредиттер көлемі / MOOК ұзақтығы: 5 кредит / 15 апта 5. Курстың күрделілік деңгейі: орташа