АВТОМАТТАНДЫРУ ИНДУСТРИЯСЫНДАҒЫ СТАРТАПТАР

Акбаракова А.М. –сеньор-лектор, 1. МООК сипаттамасы 1.1 Пәнді оқыту мақсаты: «Автоматтандыру индустриясындағы стартаптар» пәнінің мақсаты – автоматтандыру саласында инновациялық стартаптарды құру мен басқарудың теориялық және практикалық негіздерін меңгерту, IoT, жасанды интеллект (AI) және робототехника сияқты озық технологияларды қолдана отырып кәсіпкерлік ойлауды дамыту, сондай-ақ автоматтандыру индустриясында бәсекеге қабілетті бизнес-модельдер әзірлеу дағдыларын қалыптастыру. 1.2 Пәнді оқыту міндеттері :  Автоматтандыру индустриясындағы стартаптардың ерекшеліктері мен даму үрдістерін түсіндіреді.  Стартаптарды құру және басқарудың негізгі кезеңдерімен және әдістерімен таныстырады.  IoT, AI және робототехника негізіндегі инновациялық өнімдер мен шешімдерді әзірлеу қағидаларын меңгереді.  Автоматтандыру саласындағы стартаптар үшін бизнес-идеяларды талдау және бағалау дағдыларын қалыптастырады.  Инновациялық технологияларды ескере отырып, тиімді бизнес-модельдер мен даму стратегияларын әзірлеуге үйретеді.  Стартап-жобаларды жоспарлау, тәуекелдерді бағалау және инвестициялық тартымдылығын анықтау қабілетін дамытады.  Стартаптарды іске қосу және масштабтау барысында басқарушылық шешімдер қабылдау дағдыларын қалыптастырады.  Дипломдық жұмыс жазуға қажетті жобалық және зерттеу дағдыларын дамытады. 1.3 Пәнді оқыту нәтижелері: Автоматтандыру саласында стартаптарды құру және басқару негіздерін білуді көрсетеді.IoT, AI және робототехника сияқты жоғары технологиялық стартаптарды сәтті іске қосу және басқару стратегияларын қолданады. Инновациялық тәсілдер мен технологияларды енгізе отырып, автоматтандыру саласындағы стартаптар үшін бизнес-модельдер жасайды және әзірлейді. 1.4 Пререквизиты. Автоматты басқару теориясы 1.5 Постреквизиты. Дипломдық жұмыс жазу 1.6 Академиялық кредиттер саны/МООК ұзақтығы: 5 кредит 1.7 Курс деңгейі: орташа