САЛЫҚТАР: КОНСАЛТИНГ ЖӘНЕ ӘКІМШІЛЕНДІРУ

Кабиева Асем Темиргалиевна – PhD, ассистент-профессор, 1. ЖАОК-тың сипаттамасы: «Салықтар: консалтинг және әкімшілендіру» пәні – салық салу жүйесінің теориялық негіздерін, салықтық әкімшілендіру тетіктерін және салықтық консалтингтің практикалық құралдарын меңгеруге бағытталған кәсіби пән. Пән салықтардың экономикалық мәнін, олардың бюджеттік жүйедегі рөлін, салықтарды есептеу, төлеу және бақылау тәртібін, сондай-ақ салықтық тәуекелдерді басқару мен салықтық жоспарлау қағидаттарын оқытады. Курс барысында студенттер салықтық есептілік нысандарын дайындау, салықтық тексерулермен жұмыс істеу, салық органдарымен өзара іс-қимыл жасау, салықтық дауларды талдау және салықтық консалтинг қызметтерін көрсету дағдыларын қалыптастырады. Пән кәсіби ойлау қабілетін дамытып, салық салу саласындағы басқарушылық шешімдер қабылдаудың теориялық және практикалық негізін қалайды. 1.1 Пәннің мақсаты: Пәннің мақсаты – студенттерде салықтарды есептеу, әкімшілендіру және салықтық консалтинг көрсету саласында кәсіби білім мен практикалық дағдыларды қалыптастыру. Пән мазмұны салық заңнамасына сәйкес салықтық міндеттемелерді дұрыс айқындау, салықтық есептілікті жасау және салықтық тәуекелдерді төмендету бойынша ұсынымдар әзірлеуге қажетті құзыреттерді меңгертуге бағытталған. 1.2 Пәннің міндеттері: - нарықтық экономика жағдайында салықтардың мәні мен рөлін түсіну; - салықтық әкімшілендірудің негізгі қағидаттары мен механизмдерін зерттеу; - салықтарды есептеу және салықтық есептілікті қалыптастыру тәртібін меңгеру; - салықтық консалтингтің әдістері мен құралдарын игеру; - салықтық тәуекелдерді анықтау, талдау және басқару дағдыларын қалыптастыру; - салықтық даулар мен тексерулер нәтижелерін талдау қабілетін дамыту. 1.3 Оқыту нәтижелері. Пәнді меңгеру нәтижесінде студенттер салықтарды заңнама талаптарына сәйкес есептейді және әкімшілендіреді, салықтық есептілікті қалыптастырады және ұсынады. Алынған білім мен дағдыларды ұйымдардың салықтық жүктемесін талдау, салықтық тәуекелдерді бағалау, салықтық консалтингтік ұсынымдар әзірлеу және басқарушылық шешімдер қабылдау үшін қолдана алады. Салықтық құжаттаманы талдайды, салықтық бақылау нәтижелерін бағалайды және салық салу саласындағы кәсіби мәселелерді шешеді. 2. Пререквизитері. Қаржы, Салық және салық салу 3. Постреквизиттері. Дипломалды практика / Өндірістік практика 4. Академиялық кредит саны/ЖАОК-тың ұзақтығы: 5 кр./1 семестр 5. Курстың меңгеру деңгейі: Бұл курс студенттерге салықтық консалтинг пен салықтық әкімшілендірудің теориялық және практикалық негіздерін меңгеруге арналған. Пән салықтарды есептеу, салықтық есептілік дайындау, салықтық тәуекелдерді басқару және салық органдарымен өзара іс-қимыл жасау дағдыларын қалыптастырады. Курсты меңгеру барысында студенттер салық салу саласында кәсіби пайымдау жасап, ұйымдардың қаржылық және салықтық тұрақтылығын қамтамасыз етуге бағытталған шешімдер қабылдай алады.