Мұнай мен газды өндеу негіздері

Жумабекова Арай Керимакыновна – х.ғ.к., ассистент-профессор, Жунусова Эльвира Бақтығалиевна – т.ғ.к., ассистент-профессор 1. ЖАОК сипаттамасы: 1.1 Оқу мақсаты: Болашақ мұнай-газ саласы мамандарына мұнай мен газды өңдеу процестері, технологиялары, олардың физика-химиялық қасиеттері мен өнім алу жолдары туралы кешенді теориялық және практикалық білім беру болып табылады.0 1.2 Оқу міндеттері: - Мұнай мен газдың физика-химиялық қасиеттерін түсіндіру. - Мұнай мен газдың құрамындағы компоненттер туралы мәлімет беру. - Мұнай мен газды өңдеу процестерінің негізгі теорияларын үйрету. - Мұнай мен газды алғашқы және терең өңдеу әдістерін түсіндіру (дистилляция, ректификация, крекинг, риформинг және т.б.). - Өндірістік қондырғылардың жұмыс істеу принциптерін меңгерту. - Өңдеу процесінің қауіпсіздік талаптарын үйрету. - Технологиялық есептер шығару және өңдеу сұлбаларын құру. 1.3 Оқу нәтижелері: - мұнайдың газ тәріздес, сұйық және қатты парафинді көмірсутектерінің құрамын, физика-химиялық және спецификалық қасиеттерін сипаттайды; - мұнай мен газдан алынатын негізгі химиялық өнімдерді біледі; - фракциялық, топтық және элементтік құрамы туралы мәліметтер негізінде мұнайдың отындық және пайдалану сипаттамаларын бағалайды; - мұнай және мұнай өнімдерінің компоненттерін анықтау және талдау әдістерін таңдайды; - мұнай мен газды өндіру, тасымалдау, сақтау және өңдеудің технологиялық процестерін жобалау кезінде мұнай мен газдың химиялық қасиеттерін пайдаланады. 2. Пререквизиттер. Осы ЖАОК-ты игеру үшін мектептегі физика және химия курстарын оқу кезінде алған білім, білік және дағдылар қажет. 3. Постреквизиттер. ЖАOК-ты үйрену кезінде алынған білім, білік және дағдылар мұнай химиясы курсын игеру үшін қажет. 4. Академиялық кредиттер саны/ЖАОК ұзақтығы 5. Курстың қиындық деңгейі: орта