Қонақ үй шаруашылығының экономикасы

Абеуханова Еркежан Бахытбековна экономикалық ғылымдар магистрі, сеньор-лектор, 1. Қонақ үй шаруашылығының экономикасы ЖАОК сипаттамасы 1.1. Оқу мақсаты: пәнді оқыту мақсаттарын анықтағанда, білім алушылардың пән бойынша негізгі білімдерін қалыптастыру, дағдыларын дамыту және кәсіби қабілеттерін жетілдіру көзделді. «Қонақ үй шаруашылығының экономикасы» пәнін оқытудың мақсаттары 1. Қонақ үй шаруашылығы экономикасының теориялық негіздерін түсіндіру. Білім алушыларға қонақ үй шаруашылығы экономикасының мәні, негізгі ұғымдары, принциптері мен нарықтық жүйедегі рөлі туралы кешенді түсінік беру. Қызмет көрсету саласындағы экономикалық заңдылықтарды меңгерту. 2. Қонақ үй кәсіпорындарының шаруашылық қызметін талдауды үйрету. Қонақ үйдің өндірістік және қаржылық-шаруашылық қызметін талдау әдістерін меңгерту. Шығындар құрылымын, табыс көздерін, пайда қалыптастыру тетіктерін және рентабельділікті есептеу дағдыларын қалыптастыру. 3. Қонақ үй қызметтерінің өзіндік құнын және баға саясатын қалыптастыру дағдыларын дамыту. Қызмет көрсету шығындарын жоспарлау, калькуляция жасау, баға белгілеу әдістерін қолдану және табыстылықты арттыру жолдарын анықтау қабілетін қалыптастыру. 4. Қаржылық жоспарлау мен бюджеттеуді ұйымдастыруды үйрету. Қонақ үй кәсіпорындарында қаржылық жоспарлар, бюджеттер құру, ақша ағымдарын басқару, инвестициялық жобаларды экономикалық негіздеу әдістерін меңгерту. 5. Еңбек ресурстарын және еңбекақы жүйесін тиімді ұйымдастыру. Қонақ үй персоналының еңбек өнімділігін талдау, еңбекақы төлеу нысандары мен жүйелерін қолдану, кадрлық шығындарды оңтайландыру тәсілдерін үйрету. 6. Материалдық-техникалық базаны және негізгі құралдарды басқару. Негізгі және айналым құралдарын тиімді пайдалану, амортизацияны есептеу, мүлікті жаңарту және инвестициялық шешімдерді бағалау әдістерін меңгерту. 7. Қонақ үй қызметінің экономикалық тиімділігін бағалау. Негізгі экономикалық көрсеткіштерді (табыс, пайда, рентабельділік, өтімділік, қаржылық тұрақтылық) есептеу және талдау арқылы басқарушылық шешім қабылдау дағдыларын дамыту. 8. Тұрақты даму және әлеуметтік-экономикалық жауапкершілік қағидаларын ескеру. Қонақ үй шаруашылығында ресурстарды үнемдеу, экологиялық жауапкершілік, әлеуметтік әсер және аймақтық экономиканы дамыту маңыздылығын түсіндіру. 9. Практикалық дағдыларды қалыптастыру. Экономикалық есептеулер жүргізу, бизнес-жоспар әзірлеу, қаржылық есептерді талдау және қонақ үй кәсіпорнының экономикалық стратегиясын дайындау бойынша тәжірибелік тапсырмалар орындау арқылы кәсіби құзыреттілікті дамыту. 1.2. Оқу міндеті: Қонақ үй шаруашылығы саласындағы экономиканың қалыптасуы мен даму заңдылықтарын, тарихи және қазіргі үрдістерін түсіндіру; қонақ үй кәсіпорындарының қаржылық-шаруашылық қызметін жоспарлау, ұйымдастыру және басқару принциптерін үйрету; қонақ үй қызметінің экономикалық тиімділігін, оның аймақтық және ұлттық экономикаға қосатын үлесін талдау; шығындарды басқару, табыстылықты арттыру және ресурстарды тиімді пайдалану әдістерін меңгерту; қаржылық есептілік пен экономикалық көрсеткіштерді бағалау және жақсарту тәсілдерін игерту; практикалық экономикалық есептеулер жүргізу дағдыларын қалыптастыру; инвестициялық жобаларды негіздеу және заманауи басқару технологияларын қолдану қабілетін дамыту. 1.3. Қонақ үй шаруашылығының экономикасы пәнін оқытудың нәтижелері: Білім алушы қонақ үй шаруашылығы экономикасының негізгі ұғымдары мен терминологиясын біледі және түсіндіреді; қонақ үй кәсіпорындарының экономикалық даму заңдылықтары мен ерекшеліктерін талдайды; қаржылық-шаруашылық қызметті жоспарлау және ұйымдастыру қабілетін көрсетеді; шығындар мен табыстарды есептеу, баға белгілеу және рентабельділікті анықтау әдістерін қолданады; экономикалық, әлеуметтік және экологиялық факторларды ескере отырып тиімді басқарушылық шешімдер қабылдайды; кәсіпорын қызметінің экономикалық тиімділігін бағалау және арттыру тәсілдерін пайдаланады; қаржылық есептілік пен негізгі экономикалық көрсеткіштерді талдайды; заманауи экономикалық талдау құралдары мен цифрлық технологияларды қолданады; кәсіби коммуникация жүргізеді; практикалық есептерді орындайды және қонақ үй кәсіпорнының экономикалық жобаларын әзірлейді. 1.4. Пререквизиттер. Осы ЖАОК-ты меңгеру үшін келесі курстарды оқу барысында алынған білім, білік және дағдылар қажет: МІМБ инфрақұрылым 1.5. Постреквизиттер. ЖАОК-ты оқу барысында алынған білім, білік және дағдылар МІМБ-дегі бизнес-жоспарлау курсын меңгеру үшін қажет: 1.6. Академиялық кредиттер саны/ЖАОК ұзақтығы: 5 кредит 1.7. Курстың қиындық деңгейлері: орта деңгей