Ақпараттық қауіпсіздік және ақпаратты қорғау

Ерсултанова Айткуль Серикбаевна - магистр, сеньор-лектор, 1. ЖООК мінездемесі 1.1 Пән ақпараттық жүйелерді, деректерді және цифрлық ресурстарды қорғау саласындағы теориялық және практикалық білімдерді қалыптастыруға бағытталған. Пәнді оқу барысында білім алушылар ақпараттық қауіптерді талдау, тәуекелдерді бағалау, криптографиялық әдістерді қолдану, желілік және бағдарламалық қорғау құралдарымен жұмыс істеу дағдыларын игереді. Пән «Ақпараттық жүйелер», «IT-менеджмент» білім беру бағдарламасы студенттеріне арналған. Пәннің мақсаты: ақпараттық жүйелердегі деректердің құпиялылығын, тұтастығын және қолжетімділігін қамтамасыз ету тәсілдерін меңгерту, ақпараттық қауіпсіздік принциптерін практикада қолдана алатын маман даярлау. 1.2 Оқытудың міндеттері - ақпараттық қауіпсіздіктің негізгі ұғымдары мен қағидаттарын меңгерту. - ақпараттық қауіптер мен осалдықтарды анықтау және талдау дағдыларын қалыптастыру. - криптографиялық, инженерлік, ұйымдастырушылық және бағдарламалық қорғау әдістерін қолдануды үйрету. 1.3 Оқытудың нәтижелері: - ақпараттық қауіпсіздіктің негізгі қағидаттарын түсіндіре алады; - ақпараттық қауіптерді анықтап, тәуекелдерді бағалай алады; - шифрлау және аутентификация әдістерін қолдана алады; - желілік қауіпсіздік құралдарын пайдалана алады; - ақпараттық қауіпсіздік саясатын әзірлеу және енгізу принциптерін түсіндіре алады; - резервтік көшіру, деректерді қорғау және инциденттерге жауап беру шараларын қолдана алады. 2. Пререквизиттер: Компьютерлік желілер және желілерді әкімшілендіру 3. Постреквизиттер: Бағдарламалық жасақтаманы тестілеу 4. Академиялық кредиттер саны / ЖООК ұзақтығы: 5 кредит 5. Курстың күрделілік деңгейі: бастапқы, орташа және жоғары деңгей