Сызықтық алгебра

Солтыбаева Ляззат Сакеновна – математика магистрі, сеньор-лектор, Мажитова Аружан Мусақызы – педагогикалық ғылымдар магистрі, ассистент, 1. ЖАОК сипаттамасы 1.1 Оқыту мақсаты: Пәннің мақсаты – білім алушыларға инженерлік есептерді модельдеу, талдау және шешуге көмектесетін математикалық аппаратты меңгерту. Сонымен қатар, болашақ кәсіби қызметте кездесетін процестер мен құбылыстарды зерттеу және болжау үшін қажетті математикалық әдістерді үйрету. 1.2 Оқытудың міндеттері 1. Білім алушыларды алгебра және аналитикалық геометрияның негізгі ұғымдарымен таныстыру; 2. Алгебра және аналитикалық геометрия әдістерін практикада қолдануға үйрету; 3. Практикалық есептерді шешу және математикалық модельдер құру дағдыларын қалыптастыру. 1.3 Оқытудың нәтижелері: 1. Сызықтық алгебра білімдерін практикада қолдана алады 2. Инженерлік есептерді шешу үшін математикалық модельдер құра алады 3. Тиісті әдістер мен алгоритмдерді таңдай алады 4. Логикалық және абстрактілі ойлау қабілетін дамытады 5. Нәтижелерді талдап, негізделген қорытынды жасай алады 2. Пререквизиттер: Осы ЖАОК-ты меңгеру үшін келесі пәндерді оқу барысында алынған білім, білік және дағдылар қажет: «Мектептегі математика» 3. Постреквизиттер: Осы ЖАОК барысында алынған білім, білік және дағдылар келесі пәндерді (курстарды) меңгеру үшін қажет: «Математикалық талдау» 4. Академиялық кредиттер саны / ЖАОК ұзақтығы: 5 кредит 5. Курстың күрделілік деңгейі: бастапқы, орташа және жоғары деңгей