Заманауи платформаларда ойын қосымшасын әзірлеу

Ерсултанова Айткуль Серикбаевна - магистр, сеньор-лектор, 1. ЖООК мінездемесі 1.1 Пән заманауи платформаларда ойын қосымшаларын әзірлеу бойынша теориялық және практикалық білімдерді қалыптастыруға бағытталған. Пәнді оқу барысында білім алушылар ойын бағдарламалаудың негізгі принциптерімен, программалау тілдерімен және әзірлеу құралдарымен жұмыс істеу дағдыларын игереді. Пән «Ақпараттық жүйелер», «IT-менеджмент» білім беру бағдарламасы студенттеріне арналған. Пәннің мақсаты: Заманауи бағдарламалау тілдері мен құралдарын қолдана отырып, ойын қосымшаларын жобалау, әзірлеу және тестілеу принциптерін практикада қолдана алатын маман даярлау. 1.2 Оқытудың міндеттері - ойын әзірлеудің негізгі ұғымдары мен кезеңдерін меңгерту; - ойын құруда қолданылатын программалау тілдері мен құралдарын үйрету; - ойын интерфейсін (UI) және логикасын жобалау дағдыларын қалыптастыру; - ойын объектілері мен анимациясын құру әдістерін меңгерту; - Unity ортасында ойын әзірлеу бойынша практикалық дағдыларды дамыту. 1.3 Оқытудың нәтижелері: - заманауи құралдар мен платформаларды қолдана отырып ойын жобаларын жасай алады; - программалау тілдерін (C#, т.б.) пайдаланып ойын логикасын құра алады; - ойын интерфейсін, анимациясын және физикасын жүзеге асыра алады; - Unity ортасында толыққанды ойын қосымшасын әзірлеу дағдыларын меңгереді.. 2. Пререквизиттер: Робототехника және ІоТ -технологиялар 3. Постреквизиттер: Дипломдық жұмысты дайындау және орындау 4. Академиялық кредиттер саны / ЖООК ұзақтығы: 5 кредит 5. Курстың күрделілік деңгейі: бастапқы, орташа және жоғары деңгей