МІМБ-дегі бизнес-жоспарлау

Абеуханова Еркежан Бахытбековна сеньор-лектор, Омарова Кенжегуль Акмышевна сеньор-лектор, 1. МІМБ-дегі бизнес-жоспарлау ЖАОК сипаттамасы 1.1. Оқу мақсаты: білім алушыға тиімді бизнес-жоспарларды әзірлеу және іске асыру үшін қажетті кешенді білім мен дағдыларды қалыптастыру. Пән бизнес-жоспарларды әзірлеу қағидаттарын, әдістері мен құралдарын зерделеуге бағытталған; нарықты талдау үшін компетенциалдарды қалыптастыру, стратегияларды әзірлеу және мейрамхана бизнесі қызметінің ерекшелігіне бейімделген өміршең бизнес-жоспарларды құру. 1.2. Оқу міндеті: - білім алушыларды бизнес-жоспарлаудың теориялық негіздерімен, қағидаттары мен әдістерімен таныстыру; - мейрамхана және мейманхана бизнесінің салалық ерекшеліктерін ескере отырып, бизнес-жоспарларды әзірлеу дағдыларын қалыптастыру; - нарықты талдау, тұтынушыларды сегменттеу және бәсекелестік ортаны бағалау бойынша құзыреттерді дамыту; - бизнес-стратегияларды әзірлеу және оларды кәсіпорынның мақсаттарына сәйкес негіздеу қабілетін қалыптастыру; - мейрамхана және мейманхана кәсіпорындарының қаржылық, өндірістік және ұйымдастырушылық бөлімдерін қамтитын өміршең бизнес-жоспарлар құруды үйрету; - бизнес-жоспарларды іске асырудың тиімділігін бағалау және басқарушылық шешімдер қабылдау дағдыларын қалыптастыру. 1.3. МІМБ-дегі бизнес-жоспарлау пәнін оқытудың нәтижелері: бизнес-жоспарлаудың негізгі ұғымдарын, қағидаттары мен әдістерін біледі және түсінеді; мейрамхана және мейманхана бизнесінің салалық ерекшеліктерін ескере отырып, бизнес-жоспар әзірлей алады; нарықты талдау, сұранысты болжау және бәсекелестік ортаны бағалау әдістерін қолданады; кәсіпорынның даму стратегиясын негіздейді және оны бизнес-жоспар құрылымына енгізе алады; бизнес-жоспардың қаржылық, өндірістік және ұйымдастырушылық бөлімдерін есептеп, қалыптастырады; инвестициялық жобалардың экономикалық тиімділігін бағалай алады; мейрамхана және мейманхана кәсіпорындарының қызметіне бейімделген өміршең бизнес-жоспарларды ұсына алады; бизнес-жоспарларды іске асыру барысында тәуекелдерді анықтап, басқарушылық шешімдер қабылдайды. 1.4. Пререквизиттер. Мейрамхана және мейманхана бизнесіндегі кәсіпкерлік қызмет негіздері. 1.5. Постреквизиттер. Қонақ үй шаруашылығы. 1.6. Академиялық кредиттер саны/ЖАОК ұзақтығы: 5 кредит 1.7. Курстың қиындық деңгейлері: орта деңгей