Сәйкестікті растау жөніндегі органдарды және сынақ зертханаларын аккредиттеу

Туреханова Г.И. – техника ғылымдарының магистрі, сеньор - лектор, 1 Жалпы ережелер ЖАОК сипаттамасы: 1.1 Пән сәйкестікті растау саласындағы аккредиттеу принциптерін, рәсімдерін және нормативтік талаптарын меңгеру мақсатында оқытылады. Білім алушылар сәйкестікті растау жөніндегі органдар мен сынақ зертханаларының құзыреттілігін бағалау процестерін, сондай-ақ олардың ұлттық және халықаралық стандарттарға сәйкестік тәртібін меңгереді. Сапа жүйелерін талдауға және сынақ нәтижелері мен сертификаттаудың сенімділігін қамтамасыз етудегі аккредиттеу рөліне ерекше назар аударылады. 1.2 Оқудың міндеттері: 1. Аккредиттеу саласындағы негізгі ұғымдар, принциптер және нормативтік талаптарды меңгерту. 2. Сәйкестікті растау жөніндегі органдар мен сынақ зертханаларының құзыреттілігін бағалау үдерістерін үйрету. 3. Ұлттық және халықаралық стандарттарға сәйкестікті қамтамасыз ету тәртібін түсіндіру. 4. Сапа менеджменті жүйелерін талдау және оларды аккредиттеу процесінде қолдану дағдыларын қалыптастыру. 5. Сынақ нәтижелері мен сертификаттаудың сенімділігін қамтамасыз етудегі аккредиттеудің маңызын түсіндіру. 1.3 Оқу нәтижелері: Ұлттық және халықаралық стандарттарға сәйкес аккредиттеу талаптары мен рәсімдері туралы білім алу, сондай- ақ сәйкестікті бағалау саласындағы аккредиттелген ұйымдардың қызметінде құзыретті бағалау, сауалнама жүргізу және сапаны қамтамасыз ету әдістерін меңгеру 1.4 Пререквизиттері: Техникалық реттеу және метрология негіздері, Метрология, Өнім мен құжаттарды сәйкестендіру негіздері 1.5 Постреквизиттері: Тамақ өнеркәсібіндегі сапа аудиті, Техникалық реттеу саласындағы мемлекеттік бақылау және қадағалау Академиялық кредиттердің саны/ЖАОК ұзақтығы – 5 кредит Курстың күрделілік деңгейі: бастауыш, орта, жоғары .