Құрылыс экономикасы

Абдыгалиева Л.С. – сеньор-лектор, Бекбусинова Г.К. – э.ғ.к., ассисент-профессор, ЖАОК сипаттамасы: курстың мақсаты құрылыс саласындағы экономикалық үдерістердің теориялық, әдістемелік және практикалық негіздерін меңгерту, құрылыс өндірісінің тиімділігін бағалау, инвестициялық-құрылыс жобаларын экономикалық талдау, сметалық құнды қалыптастыру, құрылыс кәсіпорындарының ресурстарын тиімді пайдалану және басқару ерекшеліктері бойынша білім қалыптастыру. Нарықтық экономика жағдайында құрылыс саласындағы экономикалық шешімдер қабылдау, шығындарды оңтайландыру, құрылыс жобаларының қаржылық тұрақтылығын қамтамасыз ету және саланың бәсекеге қабілеттілігін арттыру дағдыларын дамытуға ықпал ету. Оқу міндеттері: 1. Құрылыс экономикасының теориялық негіздерін, құрылыс саласының ерекшеліктерін және оның ұлттық экономикадағы рөлін түсіндіреді. 2. Құрылыс өнімінің құнын қалыптастыру, сметалық есептеу, инвестициялық жобаларды экономикалық бағалау, өндірістік ресурстарды жоспарлау және тиімді пайдалану дағдыларын қалыптастырады. 3. Болашақ мамандардың құрылыс ұйымдарында экономикалық талдау жүргізу, қаржылық нәтижелерді жақсарту, инвестициялық тартымдылықты арттыру және басқарушылық шешімдерді негіздеу бойынша кәсіби құзыреттілігін дамытады. Оқу нәтижелері: Құрылыс саласында тиімді басқарушылық және экономикалық шешімдер қабылдау үшін құрылыс өндірісін ұйымдастырудың, инвестициялық жобаларды бағалаудың, шығындарды басқарудың және құрылыс кәсіпорындарының қызметін экономикалық талдаудың теориялық, аналитикалық және практикалық әдістерін әзірлеуге және қолдануға қабілетті. 1. Пререквизит: Микроэкономика, Кәсіпорын экономикасы. 2. Постреквизит: Қорытынды аттестаттау. 3. Академиялық кредиттер саны - 5/ЖАОК ұзақтығы 4. Курстың қиындық деңгейі: орта