Биотехнологиядағы үрдістер мен жабдықтар

Тыкежанова Гульмира Менгалиевна б.ғ.к., қауымдастырылған профессор, 1. ЖАК сипаттамасы 1.1 Биотехнологиялық өндірістердің технологиялық үдерістері мен машина-аппараттық сызбаларын зерттеу, биотехнологиялық өнеркәсіпке арналған аппараттардың құрылымы мен құрылымдау теориялық негіздері бойынша заманауи білім алу. Курста технологиялық үдерістердің тиімді түрлері, олардың оңтайлы параметрлері, қолданыстағы үдерістерді қарқынды жүргізу жолдары және биотехнологиялық өндірісте қолданылатын жабдықтарды жетілдіру мәселелері қарастырылады. 1.2 Оқу міндеттері: 1) биотехнологиялық өндірістің қазіргі заманғы бағыттарымен, ұйымдастыру принциптерімен, құрылымымен, функционалдық элементтерімен және оның негізгі сатыларымен танысу. 2) биотехнологиялық процестерде қолданылатын машиналар мен аппараттардың құрылымын ұтымды таңдау және оларды ғылыми тұрғыдан есептеу үшін болашақ маманға қажетті практикалық білім мен дағдыларды меңгеру. 3) биотехнологиялық жабдықтарды өнеркәсіптік пайдалануда ғылыми көзқарасты қалыптастыру және негізделген шешімдер қабылдау дағдыларын жетілдіру. 1.3 Оқу нәтижелері: кәсіби қызметінде биотехнологиялық процестерге арналған аппараттар мен қондырғыларды — микробиологиялық культивирлеу, ферментация, экстракция және биоөнімдерді бөлу — пайдаланады, сондай-ақ биотехнологиялық өндірістің тиімділігі мен қауіпсіздігін арттыру мақсатында осы процестерді басқара алады. 2. Пререквизиттер. ЖАК-ты меңгеру үшін Биохимия, Биотехнологияға кіріспе пәндерін оқу барысында алынған білім, білік және дағдылар қажет. 3. Постреквизиттер. ЖАК-ты оқу нәтижесінде алынған білім және дағдылар Өндірістік биотехнология, Биотехнологиялық кәсіпорындарды жобалау, Қайта өңдеу кәсіпорындарын жобалау. пәндерін меңгеру үшін қажет. 4. Академиялық кредиттер саны / ЖАК ұзақтығы – 5 кредит. 5. Курстың күрделілік деңгейі: орташа.