Табиғи рекреациялық аумақтардың экологиялық әлеуеті

Өнерхан Гүлжайна, биология ғылымдарының кандидаты, қауымдастырылған профессор, 1. ЖАОК сипаттамалары 1.1 Курс мақсаты: Табиғи рекреациялық аумақтардың экологиялық әлеуетін зерттеудің мақсаты-олардың экологиялық тепе-теңдікті сақтау, табиғи ресурстарды тұрақты пайдалануды қамтамасыз ету және рекреациялық қызметке жағдай жасай отырып, биоәртүрлілікті сақтау қабілетін бағалау. 1.2 Курс міндеттері: - Табиғи рекреациялық ресурстарды тиімді пайдалану және сақтау: Табиғи аумақтардың экологиялық тепе-теңдігін сақтау және оларды экологиялық тұрғыдан тұрақты түрде пайдалану әдістерін зерттеу. - Рекреациялық жүктемені бақылау және нормалау: Табиғи және жасанды рекреациялық аумақтарда жүктеменің мөлшерін бақылап, оның экологиялық әсерін минимизациялау. - Экологиялық туризмді дамыту: Экологиялық туризмді табиғи ортаны сақтау және жергілікті қоғамды дамыту мақсатында ұйымдастыру. - Ерекше қорғалатын табиғи аумақтарды қорғау: Табиғи ескерткіштер мен ұлттық саябақтарды қорғаудың экологиялық және құқықтық негіздерін қалыптастыру. - Рекреациялық қызметтердің қоршаған ортаға әсерін бағалау: Рекреациялық іс-әрекеттердің экологиялық әсерін зерттеп, экосистемаларды қорғаудың тиімді әдістерін енгізу. 1.3 Оқыту нәтижелері: Табиғи рекреациялық аумақтардың экологиялық әлеуетін талдайды. Олардың негізгі ерекшеліктері мен тұрақты пайдалану мүмкіндіктерін анықтайды. Тұрақты даму принциптері, биоәртүрлілікті сақтаудың маңызы және рекреациялық аймақтарда орналасқан экожүйелердің ерекшелігі туралы түсінігі бар. Рекреациялық қызметтің аумақтардың экологиялық жағдайына әсерін бағалау және оларды қорғау және ұтымды пайдалану үшін ұсыныстар әзірлеу дағдыларына ие. 2. Пререквизиттер. Ерекше қорғалатын табиғи аумақтар 3. Постреквизиттер. Ресурссақтаушы, қалдықсыз және ағынды суларсыз технологиялар 4. Академиялық кредиттер саны-5; ЖАОК ұзақтығы-15 минут. 5. Курстың қиындық деңгейі: орта деңгей.