Гидропневматикалық машиналар мен жетектер

Тасболат Ғалымжан Жұмабекұлы – техника ғылымдарының магистрі, сеньор-лектор, 1. Жаппай ашық онлайн курсының (МООК) сипаттамасы 1.1 Оқу мақсаты: білім алушылардың гидропневматикалық жүйелерді жобалау, пайдалану және техникалық қызмет көрсету саласында теориялық және практикалық білімдерін қалыптастыру, сондай-ақ технологиялық машиналар мен жабдықтардың гидравликалық және пневматикалық жетектерін есептеу, жобалау және өндірісте тиімді пайдалану дағдыларын меңгерту. 1.2 Оқу міндеттері: Гидравликалық және пневматикалық жүйелердің жұмыс істеу принциптерін, құрылымын және негізгі элементтерін түсіндіру; Әртүрлі технологиялық процестер мен машиналардағы гидро- және пневможетектердің қолданылу ерекшеліктерін зерделеу; Гидравликалық және пневматикалық схемаларды талдау және құрастыру әдістерін меңгерту; Гидропневматикалық машиналар мен жетектерді есептеу және жобалау бойынша практикалық дағдыларды қалыптастыру; Гидро- және пневможүйелердің жұмысын бақылау, диагностикалау және ақауларын анықтау негіздерін үйрету; Қауіпсіздік техникасы, энергия үнемдеу және экологиялық талаптарды сақтау қағидаларын меңгерту. 1.3 Оқыту нәтижелері: Гидромеханикалық және механикалық процестердің теориялық негіздерін меңгереді, гидропневматикалық жүйелердің жұмыс істеу принциптерін талдай алады, технологиялық жабдықтардың гидравликалық және пневматикалық жетектерін есептеу және жобалау дағдыларын игереді. 1. Пререквизиттер: Тамақ өндірісінің гидромеханикалық процестерінің машиналары, Машина жасау технологиясы, Тағам өндірісінің үрдістері және аппараттары. 2.Постреквизиттер: Тамақ өндірісінің желдету қондырғылары мен ауаны баптау жүйелері, Қайта өңдеу өндірісінің аспирациялық және желдету қондырғылары, Тоңазытқыш техникасы және технологиясы. 3. Академиялық кредиттер көлемі / MOOК ұзақтығы: 5 кредит / 15 апта 4. Курстың күрделілік деңгейі: орташа