Бағалы қағаздар нарығы

Жумажанова Марал Темирбаевна - сеньор-лектор. 1. ЖАОК-тың сипаттамасы: Курс капитал нарығының құрылымын, жұмыс істеуін және реттеуін ұлттық экономика контекстінде зерттеуге бағытталған. Ол теориялық негіздерді, құралдарды, сауда стратегияларын, сондай-ақ бағалы қағаздармен жұмыс істеудің құқықтық және институционалдық аспектілерін Қазақстанның ерекшеліктерін ескере отырып қамтиды, соның ішінде Қазақстан қор биржасының (KASE) рөлі, мемлекеттік реттеушілер және қазіргі нарықтық трендтер. 1.1 Пәннің мақсаты: Студенттерге бағалы қағаздар нарығының құрылымы, қызмет ету механизмі мен негізгі құралдары туралы кешенді теориялық және практикалық білім беру. Сонымен қатар, инвестициялық қызметті ұйымдастыру, бағалы қағаздармен операциялар жүргізу және тәуекелдерді басқару дағдыларын қалыптастыру. 1.2 Пәннің міндеттері: -Бағалы қағаздар нарығының мәні, құрылымы және түрлері туралы білім беру. -Нарық қатысушыларының қызметін, құқықтық және ұйымдастырушылық негіздерін түсіндіру. -Бағалы қағаздардың негізгі түрлерін, олардың ерекшеліктері мен айналым тәртібін меңгерту. -Қаржы нарығындағы қазіргі заманғы үрдістер мен Қазақстандағы бағалы қағаздар нарығының даму ерекшеліктерін қарастыру. 1.3 Оқыту нәтижелері. Студенттер инвестициялық портфельдерді қалыптастыруға және басқаруға, нарықтық деректер мен Қазақстан Республикасының заңнамалық талаптарын түсіндіруге, бағалы қағаздар шығару есебінен қаржыландыруды тарту стратегиясын әзірлеуге, тәуекелдерді бағалауға және қазақстандық экономика жағдайында нарықтық серпінді болжауға мүмкіндік алады. 2. Пререквизитері. Қаржы, Қаржы нарықтары 3. Постреквизиттері. Тәуекел жағдайында дағдарысты басқару 4. Академиялық кредит саны/ЖАОК-тың ұзақтығы: 5 кр./5 семестр 5. Курстың меңгеру деңгейі: Курстың меңгеру деңгейі: Бұл курс студенттерге бағалы қағаздар нарығының теориялық және практикалық негіздерін меңгеруге арналған. Пән аясында бағалы қағаздар нарығының мәні мен құрылымы, оның экономикадағы рөлі, нарықтың негізгі қатысушылары мен олардың функциялары, бағалы қағаздардың түрлері және олардың айналыс ерекшеліктері қарастырылады. Сонымен қатар курс барысында студенттер акциялар, облигациялар және туынды қаржы құралдарының сипаттамаларын зерттеп, олардың инвестициялық тартымдылығын бағалау әдістерін меңгереді. Пәнді оқу барысында білім алушылар бағалы қағаздарды бастапқы және қайталама орналастыру тетіктерін, қор биржаларының қызметін, инвестициялық қорлар мен институционалды инвесторлардың рөлін талдайды. Сондай-ақ техникалық және іргелі талдау әдістерін қолдану, бағалы қағаздардың нарықтық құнын бағалау, инвестициялық портфельді қалыптастыру және тәуекелдерді басқару мәселелері қарастырылады. Курс аясында студенттер Қазақстан Республикасының бағалы қағаздар нарығын мемлекеттік реттеу ерекшеліктерін, халықаралық қор нарықтарының даму үрдістерін, цифрлық технологиялар мен ESG қағидаттарының инвестициялық қызметке әсерін зерттейді. Практикалық сабақтарда қаржылық көрсеткіштерді есептеу, қор нарығының конъюнктурасын талдау, инвестициялық шешімдер қабылдау және нарықтық тәуекелдерді бағалау бойынша дағдылар қалыптастырылады. Пәнді меңгеру нәтижесінде білім алушылар бағалы қағаздар нарығының қызмет ету механизмдерін түсіну, бағалы қағаздардың инвестициялық тартымдылығын бағалау, техникалық және іргелі талдау жүргізу, инвестициялық портфельдің тиімділігін талдау, қаржылық тәуекелдерді басқару және қор нарығының даму үрдістері бойынша кәсіби аналитикалық қорытындылар жасау құзыреттеріне ие болады.