Конструкциялық негіздері

Мухамбеталина Д.Ж. т.ғ.к, ассистент-профессор, ЖАОК сипаттамасы: 1.1.Курс мақсаты: жалпы мақсаттағы машиналардың құрамдас бөліктерінің, олардың бөлшектері мен жинақ бірліктерінің (тораптар мен агрегаттардың) құрылысы, конструкциясы, типтері және жұмысқа қабілеттілік критерийлері бойынша білім мен дағдыларды қалыптастыру. Білім алушылар негізгі тораптар мен агрегаттарды өз бетінше жобалай алады, конструкторлық құжаттаманы оқу дағдыларын меңгереді, машинаның жұмысқа қабілеттілігін қамтамасыз ету үшін механизмдер мен тораптардың дұрыс үйлесімін таңдай алады. 1.2.Курстың міндеттері: механизмдер мен машиналардың жұмыс істеу принциптерін түсіну; конструкциялық шешімдерді талдау және бағалау қабілеті; бұйымдарды жобалаудың негізгі кезеңдерімен танысу; конструкторлық шешімдерді қабылдау әдістерін меңгеру; машиналардың қарапайым элементтері мен тораптарын жобалай білу; беріктік, қаттылық, сенімділік және технологиялылық талаптарын білу; инженерлік құжаттамамен танысу; стандарттар мен нормативтік базаны меңгеру; пәнаралық білімдерді қалыптастыру. 1.3.Пәнді оқыту нәтижелері: бөлшектердің тораптар мен механизмдердегі механикалық қозғалысының геометриялық және кинематикалық сипаттамаларын анықтай алады, машина бөлшектерін таңдау және есептеу саласында құзыретті болады. 1.4.Пререквизиттері: Инженерлік және компьютерлік графика, Теориялық және қолданбалы механика, Материалдар кедергісі 1.5. Постреквизиттері: Технологиялық машиналарды жөндеу, Тамақ өндірісі машиналары мен аппараттарын есептеу және жобалау, Машина бөлшектерін компьютерлік модельдеу әдістерімен жобалау Академиялық кредиттердің саны/ЖАОК ұзақтығы – 5 кредит Курстың күрделілік деңгейі: орташа