Ұлттық және шетел тағамдарының технологиясы

Рахимжанова Аягоз Мерекеқызы – магистр, сеньор-лектор, Құрал Аружан Абайқызы - магистр, ассистент, 1. ЖАОК сипаттамасы: «Ұлттық және шетел тағамдарының технологиясы» курсы әртүрлі халықтардың ұлттық асханаларының ерекшеліктерін, тағам дайындау технологияларын және олардың мәдени-тарихи негіздерін зерттеуге бағытталған. Курстың негізгі мақсаты – студенттерге ұлттық және әлемдік асханалардың технологиялық ерекшеліктері туралы жүйелі білім беру, тағамдарды дайындау әдістерін меңгерту және заманауи қоғамдық тамақтану талаптарына сәйкес кәсіби дағдыларды қалыптастыру. Курстың сипаттамасы: Курс бірнеше тақырыптық модульдерден тұрады, олардың әрқайсысы белгілі бір елдің немесе аймақтың ұлттық асханасын қамтиды (қазақ, өзбек, қырғыз, грузин, еуропалық және т.б.). Бұл студенттерге әртүрлі халықтардың тағам дайындау технологияларын, қолданылатын шикізат түрлерін және аспаздық дәстүрлерін терең меңгеруге мүмкіндік береді. Практикалық бағыт. Курс тек теориялық біліммен шектелмей, тағам дайындаудың практикалық дағдыларын қалыптастыруға бағытталған. Студенттер әртүрлі ұлттық тағамдарды дайындау технологиясын, өңдеу әдістерін, жылумен өңдеу тәсілдерін және тағамдарды ұсыну ерекшеліктерін тәжірибе жүзінде меңгереді. Мәдени және тарихи аспектілердің маңыздылығы. Пән аясында әр халықтың тағам мәдениеті, оның қалыптасуына әсер еткен тарихи, географиялық және әлеуметтік факторлар қарастырылады. Бұл студенттердің ұлттық асханалардың ерекшеліктерін терең түсінуіне және тағамдарды дұрыс интерпретациялауына мүмкіндік береді. Тағам дайындау технологияларының әртүрлілігі. Курс барысында қайнату, қуыру, бұқтыру, буға пісіру, тандырда дайындау сияқты әртүрлі технологиялық әдістер зерттеледі. Сонымен қатар әр елдің асханасына тән ерекше тәсілдер мен құрал-жабдықтарды қолдану ерекшеліктері қарастырылады. Шикізат пен өнімдердің ерекшеліктері. Ұлттық асханаларда қолданылатын негізгі өнімдер (ет, сүт, дәнді дақылдар, көкөністер, дәмдеуіштер) және олардың тағам сапасына әсері талданады. Әртүрлі климаттық және географиялық жағдайлардың тағам құрамына ықпалына ерекше назар аударылады. Құзыреттілік және кәсібилік. Бұл курс болашақ мамандарды қоғамдық тамақтану саласында кәсіби қызметке дайындайды. Студенттер ұлттық және шетел тағамдарын дайындау технологияларын меңгеріп қана қоймай, тағам сапасын бағалау, мәзір құрастыру, тағамдарды дұрыс ұсыну және заманауи талаптарға сәйкес жұмыс істеу дағдыларын қалыптастырады. 1.1 Оқудың мақсаты: білім алушыларды ұлттық және шетелдік асүй тағамдарын дайындау технологиясымен және тамақ өнімдерін өңдеу әдістерімен таныстыру, аспаздық өнімдердің ассортименті және әртүрлі ұлттық асүйлердің аспаздық тағамдарын дайындау технологиясы туралы білімді қалыптастыру, қолданыстағы нормативтік құжаттардың талаптарына сәйкес технологиялық құжаттаманы құра білу мақсатында зерделенеді. 1.2 Оқудың міндеттері: 1) ұлттық және шетел тағамдарының технологиясын, негізгі шикізат пен дәмдеуіштерін үйрету. 2) тағамдарды дайындау дағдыларын қалыптастыру және технологиялық процестерді орындау қабілетін дамыту. 3) кәсіби деңгейде тағам сапасын бағалау және кулинарлық шешімдер қабылдау құзыретін қалыптастыру. 1.3 Оқу нәтижелері: Әр түрлі елдердің аспаздық ұлттық дәстүрлері, олардың ерекшеліктері және өңдеу әдістерін меңгеруі туралы білім алады, ингредиенттерді таңдау принциптерін, ұлттық және шет елдердің тағамдарын дайындау және ұсыну технологияларын зерттейді, сонымен қатар санитарлық-гигиеналық нормалар мен тиісті қасиеттерді сақтай отырып, технологиялық процесті ұйымдастыру дағдыларын дамытады. 2 Пререквизиттер: Азық-түлік өнімдері салаларының технологиясы 3 Постреквизиттер: Қоғамдық тамақтану өнімдерінің технологиясы 4 Академиялық кредиттердің саны/ЖАОК ұзақтығы: 5 5 Курстың күрделілік деңгейі: орта