Бизнес анализ және digital маркетинг

Касымова С.Б. – сеньор-лектор МООК сипаттамасы: Пән студенттердің интернет-маркетинг саласындағы компаниялар мен өнімдерді табысты ұйымдастыру және ілгерілету үшін қажетті құзыреттіліктері мен білімдерін қалыптастыруға бағытталған. Пәнді оқығаннан кейін студенттер digital-маркетинг тұжырымдамаларын меңгереді, бизнес-талдау жүргізу және осы саладағы қызметті тиімді ұйымдастыруға мүмкіндік беретін цифрлық маркетингтік стратегияларды қолдану дағдыларын алады. «Бизнес анализ және digital marketing» пәнінің мақсаты – білім алушыларда заманауи цифрлық технологияларды қолдана отырып, нарықтық жағдайларды талдау, бизнес шешімдерін қабылдау және тиімді маркетингтік стратегиялар жасау дағдыларын қалыптастыру. Студенттерге бизнес-процестерді модельдеу, деректерді талдау құралдарын пайдалану, сондай-ақ digital маркетингтің негізгі құралдары мен әдістерін меңгерту. Оқу міндеттері: 1) пән бизнес-талдаудың теориялық және практикалық негіздерімен, цифрлық маркетинг құралдарымен және технологияларымен, деректерді талдау және визуализациялау құралдарымен таныстырады 2) пән студенттерге заманауи бизнестегі аналитикалық ойлауды қалыптастыруды және цифрлық маркетинг құралдарын тиімді пайдалануды үйретеді. Студенттер бизнес-процестерді талдауды, нарықтық жағдайларды бағалауды, стратегиялық шешімдер қабылдау үшін мәліметтерді жинау мен өңдеуді меңгереді. 3) Бұл пән студенттердің заманауи бизнес-ортада қажетті кәсіби және аналитикалық дағдыларын дамытады. Ең алдымен, пән аналитикалық ойлау қабілетін, логикалық шешім қабылдау дағдыларын және мәліметтермен жұмыс істеу машықтарын жетілдіреді. Студенттер нақты деректер негізінде бизнес мәселелерін анықтауды, шешу жолдарын ұсынуды және тиімді шешімдер қабылдауды үйренеді. Оқу нәтижелері: Сандық маркетинг тұжырымдамаларын және бизнесті талдау әдістерін біледі. SEO, SMM, жарнама және аналитиканы қолдана отырып, digital стратегияларын әзірлейді және оңтайландырады. Маркетингтік науқандардың тиімділігін бағалайды және заманауи құралдарды қолданады. Бизнес мақсаттарына жету үшін digital-маркетинг жоспарларын жасайды және ұсынады. 1 Пререквизит: Бизнес-процестерді талдау және оңтайландыру, IT-дағы бизнес-коммуникация 2 Постреквизит: Диплом алдындағы тәжірибе 3 Академиялық кредиттер саны - 5/ЖАОК ұзақтығы 4 Курстың қиындық деңгейі: орта